2015 ~ ខ្មែរសម័យថ្មី

១) “ខ្ញុំនឹងជោគជ័យលើ…”
នៅពេលដែលអ្នកនិយាយ ប្រាប់ខ្លួនអ្នកថា អ្នកនឹងជោគជ័យលើការងារ ឬ គោលដៅអ្វីមួយនៅថ្ងៃខាងមុខ នេះមានន័យថា អ្នកកំពុងជម្រះភាពមន្ទិលសង្ស័យរបស់អ្នកដើម្បីឈោងចាប់យកភាព ជោគជ័យនោះហើយ។

២) “ ខ្ញុំបានជោគជ័យជាបន្តើរៗមកហើយនៅពេលកន្លងមក”
ការ រំលឹកពីភាពជោគជ័យ ឬ សមិទ្ធផលអ្វីមួយដែលអ្នកសម្រេចបានដោយមោនភាពបំផុត នោះកឺជាការជួយផ្តល់ទំនុកចិត្តខ្លួនឯង ដើម្បីពង្រឹងសមត្ថភាពរបស់អ្នកឲ្យរឹងមាំ និង ព្យាយាមធ្វើអ្វីៗដែលថ្មីបន្ថែមទៀត។

៣) “ខ្ញុំអាចយកឈ្នះពីភាពភ័យខ្លាចបាន”
សូម ចាំថា ភាពភ័យខ្លាចនឹងកាន់តែមានអំណាចខ្លាំងឡើង នៅពេលដែលអ្នកយល់ព្រមអនុញ្ញាតឲ្យវាចូលខ្លួនរបស់អ្នក។ យ៉ាងណាមិញ ការយកឈ្នះភាពភ័យខ្លាចដែលស្ថិតនៅចំពោះមុខអ្នក គឺជារឿងមួយគួរឲ្យតម្លៃបំផុត ហើយត្រូវយល់ថា អ្នកត្រូវតែធ្វើការសម្រេចចិត្តមួយដើម្បីយកឈ្នះវាឲ្យបាន ត្បិតអីលក្ខណៈពិសេសមួយនេះអាចជួយធ្វើឲ្យខ្លួនអ្នកកាន់តែ រឹងមាំ និង មានទំនុកចិត្ត។

៤) “ឧបសគ្គដែលកើតមានឡើងមិនមែនសុទ្ធតែផ្តល់ផលអាក្រក់ដូចអ្វីដែលខ្ញុំគិតនោះទេ”
ពី មួយថ្ងៃទៅមួយថ្ងៃ អ្នកអាចជួបបញ្ហាមិនចេះចប់មិនចេះហើយ។ ទោះបីជាបែបនេះក្តី អ្នកត្រូវយល់ថា ទាំងភាពភ័យខ្លាច ឧបសគ្គ ភាពបរាជ័យ ។ល។ វត្តមានរបស់វា អាចជួយឲ្យអ្នកចេះតស៊ូ បង្កើតគំនិតច្នៃប្រឌិតថ្មី រៀនរកដំណោះស្រាយ និង ធ្វើឲ្យអ្នកកាន់តែរឹងមាំឡើង។

៥) “ខ្ញុំបានធ្វើអ្វីមួយដែលគ្មានអ្នកណាម្នាក់ចង់ធ្វើវានោះឡើយ”
ទោះបី ជាគោលដៅរបស់អ្នកបានធ្វើនោះវាតូចក្តី ឬ ធំក្តី វាគឺជាសមិទ្ធផលរបស់អ្នកដែលអ្នកផ្សេងមិនដែលធ្លាប់ធ្វើ ឬ ធ្លាប់គិតថា ចង់ធ្វើ។ នេះជាគោលការណ៍មួយដ៏សំខាន់សម្រាប់ពង្រឹងគោលជំហររបស់អ្នកដោយ មិនស្ថិតនៅក្រោមចំណុះរបស់អ្នកណាម្នាក់។

៦) “វាជាកំហុសរបស់ខ្ញុំ”
ការទទួលខុសត្រូវលើ អ្វីដែលអ្នកបានធ្វើកន្លងមក គឺជាការបង្ហាញនូវគុណសម្បត្តិដ៏ពិសេសរបស់អ្នកគ្រប់គ្រង ឬ អ្នកដឹកនាំ។ អ្នកដែលមានការទទួលខុសត្រូវខ្ពស់ អ្នកនោះហើយដែលគេឲ្យតម្លៃ។ សូមកុំបន្ទោសខ្លួនឯង ហើយត្រូវធ្វើឲ្យកំហុសនោះឲ្យកាន់តែប្រសើរឡើងជាងមុន។
៧) “ខ្ញុំបានចាប់ផ្តើមធ្វើវាហើយ”
អ្នកប្រហែល ជាធ្លាប់គិតថា ចង់ធ្វើអ្វីមួយនៅថ្ងៃនេះ ថ្ងៃស្អែក ឬ នៅខែក្រោយជាដើម។ ទាំងនេះជាគម្រោងរបស់អ្នក ហើយអ្នកត្រូវប្រាកដថា គម្រោង និង វត្ថុបំណងដែលអ្នកចង់ធ្វើ ត្រូវមានការចាប់ផ្តើមឡើងបន្តិចម្តងៗ ដើម្បីបង្រៀនខ្លួនឯងឲ្យចេះចាប់ផ្តើមធ្វើអ្វីមួយដោយមិន បង្អែបង្អង់។ កុំភ្លេចចាប់ផ្តើមពីចំណុចងាយស្រួលមុន ទើបជាការប្រសើរ។

៨) “ខ្ញុំពិតជាអស្ចារ្យ”
អ្នកប្រហែលជាមិន ធ្លាប់ឮពាក្យនេះចេញពីមាត់មនុស្សគ្រប់គ្នាមកលើអ្នកនោះឡើយ តែមនុស្សម្នាក់ៗពិតជាបានគិតថា ខ្លួនឯងអស្ចារ្យ។ ហេតុដូច្នេះ មនុស្សយើងម្នាក់ៗមានលក្ខណៈពិសេសរៀងៗខ្លួនដែលជាភាពអស្ចារ្យ មួយ អ្នកគួរមានមោទនភាព ដើម្បីឲ្យខ្លួនអ្នកមានក្តីសង្ឃឹមនៅថ្ងៃខាងមុខ។

៩) “ខ្ញុំមិនខ្វល់ទៅនឹងការគិតរបស់អ្នកដទៃនោះឡើយ”
តាម ពិតទៅ មនុស្សដែលនៅជុំវិញខ្លួនអ្នកអាចយល់ថា អ្នកជាមនុស្សបែបនេះ ឬ បែបនោះទៅតាមអ្វីដែលគេវាយតម្លៃ។ យ៉ាងណាមិញ ការប្រើពាក្យនេះជារៀងរាល់ថ្ងៃ គឺដើម្បីរំលឹកខ្លួនអ្នកថា អ្នកធ្វើអ្វីទៅតាមអ្វីដែលអ្នកគិតថា ត្រឹមត្រូវ និង មានតម្លៃសម្រាប់ខ្លួនអ្នក នោះជាការប្រពៃណាស់ទៅហើយ។

១០) “អ្នកដទៃមិនខុសពីខ្ញុំនោះឡើយ”
គេតែង និយាយថា បើចង់មានសុភមង្គល កុំប្រៀបធៀបខ្លួនអ្នកជាមួយអ្នកដទៃ។ នេះជាចំណុចសំខាន់មួយព្រោះថា បើពុំដូច្នោះទេ អ្នកនឹងយល់ថាខ្លួនអ្នកអស់តម្លៃ។ ជំនួសឲ្យការគិតពីចំណុចអវិជ្ជមានរបស់អ្នកទៅនឹងអ្នកដទៃ អ្នកត្រូវយល់ថា អ្នកមានតម្លៃ ដូចអ្វីដែលអ្នកដទៃមានតម្លៃដូចអ្នកដែរ។

ស្តាប់លោកប៉ារ៉ាត់ អូបាម៉ា

១១) “ខ្ញុំអាចធ្វើវាបាន”
ជំហានដំបូងមុននឹង អ្នកឈានដល់ស្ថានភាពដ៏លំបាកមួយ ឬ កំពុងស្ថិតនៅក្នុងស្ថានភាពប្រឈមមុខ អ្នកត្រូវនិយាយថា អ្នកអាចធ្វើបាន។ ដោយសារតែអ្នកជឿជាក់ថា អ្នកអាចធ្វើបាន នេះហើយជារឿងដ៏ត្រឹមត្រូវបំផុតមួយ។

១២) “ពេលវេលាកំពុងផ្ដល់ឱកាសឲ្យខ្ញុំ”
មនុស្ស មួយចំនួន មិនបានផ្តល់ពេលវេលាគ្រប់គ្រាន់សម្រាប់ខ្លួនឯងនោះឡើយ។ ផ្ទុយទៅវិញសម្រាប់ខ្លួនអ្នកផ្ទាល់ អ្នកត្រូវយល់ពីតម្លៃពេលវេលានេះ ហើយប្រើប្រាស់វាឲ្យតម្លៃបាញ់ឆ្ពោះទៅរកគោលដៅរបស់អ្នក។
១៣) “ ខ្ញុំមិនមែនជាមនុស្សល្អឥតខ្ចោះនោះទេ ប៉ុន្តែគ្មានបញ្ហានោះទេ”
ពាក្យ មួយឃ្លាគេនិយាយថា គ្មានអ្នកណាម្នាក់ល្អឥតខ្ចោះនោះទេ ហើយអ្នកក៏ជាបុគ្គលម្នាក់ដែលមិនល្អឥតខ្ចោះនោះដែរ។ ប៉ុន្តែ អ្នកត្រូវចាំថា នោះមិនមែនជាបញ្ហានោះទេ។ បើអ្នកធ្វើមិនបានល្អក្នុងថ្ងៃនេះ អ្នកត្រូវធ្វើឲ្យល្អប្រសើរនៅថ្ងៃស្អែក ធ្វើហើយធ្វើទៀតរហូតដល់ចំណុចមួយដែលជាទីគាប់ចិត្តរបស់អ្នក។

១៤) “នេះជាភារកិច្ចរបស់ខ្ញុំ”
មនុស្សភាគច្រើន បានគេចចេញពីទំនួលខុសត្រូវរបស់ខ្លួន ដែលជាការយកលេសមួយដោយគ្មានហេតុផលមួយល្អទាល់តែសោះ។ សម្រាប់ខ្លួនអ្នកផ្ទាល់ ជីវិតរបស់អ្នក គឺស្ថិតនៅក្នុងដៃអ្នក ហេតុដូច្នេះ អ្នកត្រូវមានទំនួលខុសត្រូវលើគោលដៅជីវិតរបស់អ្នក ចាប់ផ្តើមជាមួយការទទួលខុសត្រូវមួយខ្ពស់ជាងមុន។

១៥) ”ខ្ញុំត្រូវតែបោះជំហានទៅមុខជានិច្ច”
រស់ នៅក្នុងនាមជាមនុស្សមួយដូចថ្ងៃម្សិលមិញ នោះប្រហែលមិនមែនជាអ្វីដែលអ្នកត្រូវការនោះឡើយ។ អ្នកត្រូវការផ្លាស់ប្តូរខ្លួនឯងពីមួយថ្ងៃទៅមួយថ្ងៃ បោះជំហានទៅមុខជាលំដាប់ទាំងការងារ តំណែង តួនាទី ចំណេះដឹង ប្រាក់ចំណូល ។ល។ ហេតុដូច្នេះ វាគ្មានអ្វីក្រៅពីតាំងចិត្តធ្វើឲ្យខ្លួននេះតែអភិវឌ្ឍឡើងជា លំដាប់នោះទេ៕

អានបន្ត